Felices Vacacións de Nadal e Ventureiro Ano 2020
Este é o blog do ENL do IES Xoán Montes. O nome vén dun dos personaxes máis característicos da nosa mitoloxía popular, o trasno, que ten múltiples aparencias. Como son os do noso centro? E cales son as súas trasnadas?
19 dic 2019
18 dic 2019
ROSALÍA, ESTRELA GALEGA
A estrela Rosalía de Castro xa brilla no ceo
A candidatura impulsada pola Asociación Astronómica IO, de pór o nome da escritora a un astro da constelación de Ofiuco e o de Río Sar ao seu exoplaneta, obtivo un maioritario respaldo popular e acaba de ser aceptado pola Unión Astronómica Internacional
Rosalía de Castro xa brilla no firmamento. Si desde hai dous anos asuca os ceos a lombos dun avión da compañía aérea Norwegian, agora elevouse moito máis. Xa é, de forma oficial, unha auténtica estrela. A candidatura da escritora galega gañou cunha esmagadora maioría de votos o concurso para designar co seu nome a estrela agora coñecida como HD 149143, situada na constelación de Ofiuco, a 240 anos luz da Terra. O seu planeta asociado, HD 149143, tamén pasará a denominarse Río Sar. O círculo da poetisa universal, máis universal que nunca, completouse.
Rosalía de Castro e o río Sar son os claros vencedores da votación en Internet para elixir o nome dunha estrela e o seu planeta, dentro do proxecto internacional impulsado pola Unión Astronómica Internacional (IAU) como parte
Os nomes de Rosalía de Castro e Río Sar únense, desta forma, aos de Cervantes, Quixote, Rocinante, Sancho e Dulcinea, que tamén se elixiron por vocación e son desde o 2015 as denominacións oficiais da estrela Mu Arae e os seus catro planetas.
«É un grande orgullo obter este recoñecemento», destaca Anxo Angueira, presidente da Fundación Rosalía de Castro, que agradeceu o traballo realizado pola Agrupación Astronómica IO para presentar, primeiro, e impulsar daquela unha campaña de apoios entre a cidadanía que agora se viu apoiada polo éxito absoluto. «Rosalía -dice Angueira- é tamén agora a estrela que nos ilumina a todos nós», en alusión ao feito de que a escritora de Padrón está a alcanzar cada vez máis unha proxección internacional que se corrobora con recoñecementos como o actual.
«Para min -advierte Angueira- é un feito moi relevante que Rosalía de Castro dé nome a unha estrela, porque é un síntoma do seu poder, da súa vixencia, da súa figura valorada como algo vivo. A súa figura adaptouse a modernidade como un referente cultural de Galicia para o mundo, pero tamén en moitos outros aspectos, como no feminismo ou na loita social». O presidente da fundación entende que, á luz dos feitos, e agora tamén polo fulgor do seu brillo no ceo, a figura de Rosalía de Castro «está máis vixente que nunca, e os galegos temos que aproveitar recoñecementos como este para proxectala no mundo».
FONTE, LA VOZ DE GALICIA WEB
FERREMENTA EN LIÑA
O Centro Ramón Piñeiro presenta a nova versión do Corpus Documental do Galego Actual 'CORGA 3.2.'
A
nova versión desta ferramenta lingüística pensada para favorecer a
incorporación do galego ás TIC supera os 40 millóns de palabras e inclúe
25 horas de transcricións ortográficas de programas de radio nas que se
aliñan texto e voz.
O secretario xeral de Política Lingüística, Valentín García, participou o pasado día 16 no Pazo de San Roque, na presentación da nova versión do Corpus Documental do Galego Actual (CORGA 3.2.), unha ferramenta lingüística en liña desenvolvida polo Centro Ramón Piñeiro para a Investigación en Humanidades (CRPIH) representativa do uso lingüístico do galego actual.
Valentín García recordou que o Ramón Piñeiro, centro de investigación dependente da Consellería de Cultura e Turismo, “ten entre as súas finalidades fundacionais o deseño e o desenvolvemento de recursos informáticos que axuden á incorporación da lingua galega ao mundo das tecnoloxías da información e da comunicación” e que “o do CORGA é un dos proxectos de investigación que se centran en darlle cumprimento a este obxectivo”.
Nova versión 3.2.
O CORGA é un corpus documental desenvolvido no CRPIH, por medio dun convenio de colaboración coa USC, e integrado por distintos tipos de textos -xornais, semanarios, revistas, ensaios e textos de ficción (novela, relato curto e teatro)- que abrangue temporalmente desde o ano 1975 ata a actualidade e que está codificado no estándar XML (eXtensible Markup Language). A amplitude de documentos que o configuran e os criterios empregados na súa selección permiten considerar este corpus representativo do uso lingüístico do galego actual.
O corpus da versión ampliada -accesible no enderezo http://corpus.cirp.gal/corga, foi enriquecido automaticamente coa lematización e etiquetaxe morfosintáctica dos seus textos e contén 40.178.271 palabras ortográficas (48.184.012 elementos gramaticais) pertencentes maioritariamente a distintos tipos de textos escritos, mais tamén inclúe 25 horas de transcricións ortográficas de programas de radio nas que se aliña o texto coa voz.
As principais novidades que mostra fronte á versión anterior son a visualización da información recuperada en forma de expresións coincidentes, de xeito que os resultados iguais se reducen a un, e a presentación, a modo de dicionario de frecuencias, de listaxes personalizadas relativas a formas, etiquetas, lemas e hiperlemas mediante os parámetros lingüísticos e clasificatorios dispoñibles no sistema. Estas funcionalidades veñen completar as que xa se deron a coñecer na versión 3.1. do CORGA, agora ampliada.
FONTE LINGUA.GAL
17 dic 2019
LINGUAS MINORITARIAS
Declaración da RAG verbo dos acordos do Comité de Ministros do Consello de Europa sobre a Carta de Linguas Rexionais e Minoritarias
DO COMITÉ DE MINISTROS DO CONSELLO DE EUROPA SOBRE A
CARTA EUROPEA DE LINGUAS REXIONAIS E MINORITARIAS
CARTA EUROPEA DE LINGUAS REXIONAIS E MINORITARIAS
O Comité de Ministros do Consello de Europa, na súa xuntanza do pasado 11 de decembro, aprobou as seguintes recomendacións ás autoridades españolas en relación co cumprimento da Carta Europea de Linguas Rexionais e Minoritarias:
1. Modificar a Lei Orgánica do Poder Xudicial para garantir o uso das linguas cooficiais nos procedementos xudiciais a pedimento dunha das partes.
2. Mellorar o uso das linguas cooficiais na administración do Estado nas Comunidades Autónomas.
3. Eliminar as limitacións do ensino en galego en Galicia.
2. Mellorar o uso das linguas cooficiais na administración do Estado nas Comunidades Autónomas.
3. Eliminar as limitacións do ensino en galego en Galicia.
Estas recomendacións están na liña das demandas reiteradamente expresadas pola Real Academia Galega nos tres aspectos que contempla ese acordo e concretamente nas manifestadas no informe que esta institución presentou no seu día ante o Comité de Expertos do Consello de Europa. Neste informe, a Real Academia Galega instaba a que o Comité de Ministros do CE aprobase unha recomendación específica para que "o goberno galego remova os obstáculos normativos que impiden o establecemento dunha oferta educativa completa ou principalmente en lingua galega".
A Carta Europea de Linguas Rexionais e Minoritarias é un tratado internacional impulsado polo Consello de Europa co obxectivo de protexer os dereitos dos falantes das linguas europeas rexionais e minoritarias. En 2001, o Estado español adheriuse a esta Carta e no momento da súa ratificación comprometeuse a cumprila no conxunto das súas previsións e nos seus termos máis amplos. Así, o seu artigo 8 compromete as autoridades a ofrecer unha liña de educación preescolar e de ensino primario, secundario, técnico e universitario en lingua galega. Este compromiso non só foi incumprido, senón que a normativa sobre o uso do galego no ensino vixente no noso país desde 2010 (Decreto 79/2010 , do 20 de maio, para o plurilingüismo no ensino non universitario de Galicia) se atopa en flagrante contradición con el, ao restrinxir este uso a un máximo do 50% do currículo (e a unha porcentaxe menor nos centros plurilingües), excluíndoo totalmente de materias como as matemáticas, a física e a química. Os datos sociolingüísticos recollidos en Galicia nos últimos anos, ao igual que os estudos feitos sobre a evolución do coñecemento e uso da lingua galega, mostran un alarmante retroceso do noso idioma na poboación infantil e na mocidade, poñendo de relevo os negativos efectos das limitacións ao uso do galego no sistema educativo.
A Real Academia Galega congratúlase do acordo do Comité de ministros do Consello de Europa sobre a Carta Europea de Linguas Rexionais e Minoritarias e insta as autoridades do Estado español e, nomeadamente, da Comunidade Autónoma de Galicia, a seguir as recomendacións expresadas nel. É hora de honrar os compromisos contemplados na Carta Europea de Linguas Rexionais e Minoritarias para que Galicia se dote dun modelo educativo que garanta os dereitos dos galegofalantes e asegure a vitalidade do noso idioma.
FONTE R.A.G
16 dic 2019
PASRABÉNS
O Escritor Paco Martín e o académico Ramón Villares, galardoados co premio Otero Pedrayo 2019
O xurado do Premio Otero Pedrayo 2019 acordou por unanimidade conceder o galardón ex aequo a Ramón Villares e a Paco Martín. O académico e o escritor recibirán o galardón nun acto que se celeb
O Premio Otero Pedrayo foi instaurado no ano 1977 e na actualidade é promovido polas catro deputacións provinciais galegas e a Xunta de Galicia. A Deputación de Lugo encárgase este ano da organización do galardón, que recoñece a dúas figuras da cultura galega con raíces nesta provincia.
Ramón Villares (Vilalba, 1951), catedrático de Historia Contemporánea da Universidade de Santiago de Compostela, é especialista en historia agraria, cultural e política de Galicia. En 2006, ingresou na Real Academia Galega cun discurso arredor da traxectoria de Otero Pedrayo, que retomou recentemente co ensaio Fuga e retorno de Adrián Solovio (Galaxia, 2018). Como xestor, o profesor Villares foi reitor da USC (1990-1994) e presidente do Consello da Cultura Galega (2006-2018).
Paco Martín (Lugo, 1940) é un dos autores de referencia da literatura infantil e xuvenil en galego. O seu maior éxito chegou coa publicación do título Das cousas de Ramón Lamote, traducido a varios idiomas e polo que foi recoñecido internacionalmente. A súa traxectoria na literatura foi parella á súa actividade como docente na que destacou como promotor de movementos de renovación pedagóxica, como Nova Escola Galega, e na elaboración de materiais didácticos en galego.
FONTE, R.A.G
12 dic 2019
REVISTA NÓS
Inauguración da exposición 'Nós de onte a hoxe: 100 anos de historia'
no Museo do Pobo Galego
Santiago de Compostela, 9 de decembro de 2019. A Federación de Asociacións Culturais Galiza Cultura en colaboración co Museo do Pobo Galego inaugurou este mércores 11 de decembro a exposición Nós de onte a hoxe: 100 anos de historia. O acto tivo lugar ás 17h30 no Claustro do Museo do Pobo Galego.
Nós de onte a hoxe: 100 anos de historia
Con esta mostra, a Federación de Asociacións Culturais Galiza Cultura adiántase á conmemoración dos 100 anos de historia da revista Nós, cuxo primeiro número ve a luz o 30 de outubro de 1920. A exposición realiza un percorrido pola significación e a obra dos principais persoeiros do Grupo Nós: Vicente Risco (director literario), Castelao (director artístico), Ramón Otero Pedrayo ou Ánxel Casal (entre outros), así coma a súa conexión co Seminario de Estudos Galegos, iniciativa importante que marca o comezo dunha ciencia multidisciplinar en galego e sobre Galiza. Cómpre engadir, que o Grupo Nós será amplamente estudado por Ricardo Carvalho Calero, a quen se lle dedica o próximo día das Letras Galegas 2020, testemuña desta época e estudoso da obra dos principais artífices do Grupo.
FONTE, MUSEO DO POBO GALEGO WEB
10 dic 2019
iniciativa polo galego na TV
Compostela, 5 de decembro de 2019.-
Unha campaña na rede pídelle á Xunta de Galiza que facilite a lexendaxe e a dobraxe en galego dos filmes e series que ofertan as principais plataformas de contidos audiovisuais dixitais, (...) O presidente da Mesa, Marcos Maceira, recorda que “a Xunta debe favorecer o dereito ao acceso a contidos audiovisuais en condicións semellantes a outras linguas oficiais e cumprir coa obriga sinalada no artigo 20.1 da Lei de Normalización Lingüística de 1983 de fomentar a produción, a dobraxe, a subtitulación e a exhibición de películas e outros medios audiovisuais en lingua galega”.
Fonte+Participación,
amesa.gal
amesa.gal
4 dic 2019
PALABRA DO ANO
O Portal das Palabras anima a
cidadanía a participar na escolla da Palabra do Ano 2019
O
Portal das Palabras acaba de abrir o prazo de presentación de palabras
aspirantes a se converter na Palabra do Ano 2019. A elección colectiva do termo
que mellor resuma ou identifique a realidade que dalgún xeito marcou os últimos
doce meses constará de tres fases. A primeira delas, na que calquera persoa
poderá enviar as súas suxestións, permanecerá aberta ata o domingo 15 de
decembro ás 23:59 horas nesta ligazón:
https://portaldaspalabras.gal/palabradoano/
Posteriormente, do 16 ao 25 de decembro, someteranse
a votación telemática os termos máis significativos e máis repetidos na
primeira fase. O venres 27 de decembro darase a coñecer a Palabra do Ano 2019.
29 nov 2019
.POR SE FOSE DE INTERESE...
PUBLICACIÓN
DA R.A.G
Estudos de Onomástica Galega III. Os alcumes
Ana
Isabel Boullón Agrelo
Editor/a
literario/a
Sinopse
Os
alcumes constitúen unha parte importante da antroponimia non
oficial, aínda que, igual cós apelidos, están ligados á familia e
adoitan transmitirse de xeración en xeración. En Galicia teñen
vitalidade especialmente en ámbitos vilegos e rurais, pero, ao iren
mudando os modos de vida, están comezando a minguar. Ademais, como
non se consignan nos rexistros, faise necesario traballo de campo en
cada zona para recadalos.
Esta xornada proponse deitar luz sobre eles desde diversas perspectivas: a antropoloxía, os seus inicios na Idade Media, a caracterización lingüística, a súa fixación nos apelidos e unha proposta didáctica baseada nunha área de Pontevedra, A Moureira. Ademais, examinaranse os xentilicios festivos e a escolla dos nomes dos editores da Wikipedia.
A maiores do núcleo temático central, a xornada pretende mostrar algunhas vías multidisciplinares do estudo da onomástica e a súa utilidade en a´reas distantes entre si: os estudos literarios, a botánica e a historia medieval.Ana Boullón
Esta xornada proponse deitar luz sobre eles desde diversas perspectivas: a antropoloxía, os seus inicios na Idade Media, a caracterización lingüística, a súa fixación nos apelidos e unha proposta didáctica baseada nunha área de Pontevedra, A Moureira. Ademais, examinaranse os xentilicios festivos e a escolla dos nomes dos editores da Wikipedia.
A maiores do núcleo temático central, a xornada pretende mostrar algunhas vías multidisciplinares do estudo da onomástica e a súa utilidade en a´reas distantes entre si: os estudos literarios, a botánica e a historia medieval.Ana Boullón
fonte, r.a.g web
27 nov 2019
POESÍA CON HISTORIA
A R.A.G LEMBRA EN PONTEVEDRA A PRIMEIRA COLECCIÓN QUE PUBLICOU EN GALEGO TRAS A GUERRA CIVIL
PONTEVEDRA, VENRES 22 DE NOVEMBRO DE 2019
A primeira colección de poesía que acubillou versos en galego tras a guerra civil naceu na Pontevedra de 1949 co nome do pirata da Moureira, Benito Soto. Entre a primavera dese ano e a de 1952 sairían do prelo de Gráficas Torres un total de 15 poemarios, grazas ao entusiasmo do fillo do propietario da imprenta, Sabino Torres (1924-2016), e os seus colegas Emilio Álvarez Negreira (1926-2002) e Manuel Cuña Novás (1926-1992). "A colección Benito Soto inaugurou unha etapa de esperanza para a poesía e para a literatura galega nun contexto histórico moi difícil, en plena ditadura de Franco. Se repasamos os títulos que a integran, vemos autores de enorme significación que son aínda hoxe referencias obrigadas da nosa literatura", salienta o presidente da Real Academia Galega, Víctor F. Freixanes. A institución celebrou o venres no Museo de Pontevedra, en colaboración coa Deputación de Pontevedra, os 70 anos do inicio daquela aventura.
FONTE, RAG WEB
25 nov 2019
22 nov 2019
21 nov 2019
SIMPOSIO ANTÓN FRAGUAS
A CORUÑA
26, 27 E 28 DE NOVEMBRO
SIMPOSIO SOBRE
ANTÓN FRAGUAS
MÁIS INFORMACIÓN
www.academia.gal
www.consellodacultura.gal
www.museodopobo.gal
VINTE COA LINGUA
XA TEMOS A NOVA EDICIÓN DO CORRELINGUA
E O NOSO CENTRO XA ESTÁ INSCRITO
"VINTE COA LINGUA"
VINTE ANOS...E OS QUE VIRÁN
13 nov 2019
A NOSA LINGUA SOA EN OXFORD
A poesía de Chus Pato soará en galego e inglés na Universidade de Oxford
Os versos do último libro de poemas de Chus Pato soarán en galego e inglés na Universidade de Oxford. A académica foi convidada polo Queen's College a participar a semana que vén na súa residencia sobre escrita internacional e tradución, na que tamén está a intervir Erin Moure. Xuntas protagonizarán o 14 de novembro o recital d'Un libre favor (Galaxia, 2019), vertido ao inglés pola tradutora canadense de orixe galega como An Open Gift. Chus Pato manterá ademais un encontro co alumnado da Facultade de Linguas Modernas e Medievais.
Fonte R.A.G.
12 nov 2019
CIENCIA EN GALEGO
CIENCIA EN GALEGO
NOVEMBRO
A Asemblea Xeral da ONU decidiu declarar 2019 Ano Internacional da Táboa Periódica. De acordo con isto, Igaciencia (Institución Galega de Ciencia) propón dedicarlle o Mes da Ciencia aos científicos Dmitri Mendeleiev, químico ruso que deseñou a táboa periódica, e Luis Liz Marzán,químico lucense experto en nanopartículas que recibiu en 2018 o Premio Nacional de Investigación.
Por outra banda, por ser tamén para as Nacións Unidas o Ano Internacional das Linguas Indíxenas, Igacienia quere renderlle homenaxe tamén ao lingüista norteamericano Noam Chomsky e ao historiador galego Manuel Murguía, destacado galeguista do século XIX pioneiro en atribuírlle un papel central á lingua na definición da nosa identidade colectiva e autor dunha monumental Historia de Galicia en que se percibe o seu coñecemento da investigación histórica europea do momento, o estudo e análise das fontes documentais e a toma en consideración das achegas de diversas disciplinas como a lingüística, a arqueoloxía, a paleografía ou a epigrafía para o progreso do coñecemento histórico.
Os equipos de dinamización da lingua galega traballan co seu alumnado en diferentes actividades referidas a estes persoeiros e o seu labor ou que se orientan a mostrar o valor da ciencia e da lingua galega para a súa creación e divulgación.
REFERENCIA E MÁIS INFORMACIÓN EN
LINGUA.GAL
8 nov 2019
DÍA DAS LIBRARÍAS
DÍA DAS LIBRARÍAS
8
DE NOVEMBRO, DÍA DAS LIBRARÍAS
VISITA AS LIBRARÍAS
FAI QUE MEDRE A NOSA LINGUA
"A
día de hoxe que a informática, a robótica, o virtual, as
redes...poboan o noso espazo, falar de librarías pode parecer falar
do pasado. Pois non, erro. As librarías son hoxe máis que nunca
lugares de encontro. Que quedou daquel libreiro profesional
comprometido, sabedor disto e aquilo con ganas de transmitilo ó
potencial cliente? Pois todo e máis. Hoxe as librarías son espazos
culturais activos con presenza nas redes sociais, espazos onde non só
consúltanse e venden libros se non que aglutinan ao redor dos mesmos
colectivos de persoas con intereses comúns que atopan aí
actividades, conferencias, presentacións, clubs de lectura
degustando un bo café, lecturas dramatizadas, pequenos concertos ou
recitais poéticos, unha performance ou reciben unha clase
alternativa. Todo, absolutamente todo se pode facer hoxe nunha
libraría, e aquí si podemos dicir que o tamaño non importa, só a
vontade do libreiro."
REFERENCIA
https://bibliotecadegalicia.xunta.gal/gl/actualidade/avisos/dia-das-librerias
6 nov 2019
Máis Rosalía
TOMAMOS DO DIARIO "LA VOZ DE GALICIA" DO DÍA 6 DE NOVEMBRO DE 2019, EDICIÓN IMPRESA
"Rosalía de Castro, gardiá dos segredos dos bosques e do lugar da memoria"
30 oct 2019
26 sept 2019
DIA DA CIENCIA EN GALEGO
Ciencia
en Galego: conferencia de Luís Liz Marzán en Lugo
Achégase
xa a celebración de Ciencia en Galego. Como podedes ver
en cienciaengalego.org o
cartel,
Aínda
que en todas as actividades que desenvolve a asociación ao longo do
ano, están sempre presentes o galego e a ciencia, destacamos especialmente
o Día da Ciencia en Galego que vimos celebrando desde o 2010.
O noso lema é A
prol da ciencia galega e do galego na ciencia. O
caso é que para desenvolver o obxectivo da asociación de promover o
interese social pola ciencia e a innovación como base do progreso,
ao tempo que buscamos que se animen, especialmente as rapazas, a
facer carreiras científicas, celebramos en novembro o día da
ciencia en galego, facendo actividades de diverso tipo.
Este
ano por ser o Ano Internacional da táboa periódica centraremos as
actividades en Mendeleiev e, abrindo o abano á ciencia actual, como
científico galego homenaxeamos a Liz Marzán.
Consideramos
que o campo no que está a traballar entronca co presente e futuro da
xente nova, e que pode ser un referente no que se miren e lles anime
a mergullarse no mundo da ciencia, amais de ter en consideración os
premios á investigación recibidos. A boa nova é que teremos
o gusto de telo como conferenciante en Lugo, o día 8 de novembro.
23 sept 2019
BENVIDAS E BENVIDOS AO CURSO
2019-2020
XA ESTAMOS DE VOLTA!!!
NOVO EQUIPO EDLG!!! ÁNIMO RENOVADO!!
Composicion do Equipo de Dinamización da
Lingua Galega
Curso 2019-20
PROFESORADO
Consuelo Burgo
Fernández
Ana Rico Gómez
Anxos Vidal Suárez
América García
Fernández
ALUMNADO
+
PERSONAL NON DOCENTE
Fabio Gacio Iglesias
COORDINADOR
Enrique-Luís Sánchez Arias
(Queque)
(Queque)
DÍA EUROPEO DAS LINGUAS
Por
iniciativa do Consello de Europa, desde o ano 2001 celébrase o Día Europeo das
Linguas para poñer en valor a diversidade lingüística da UE e para promover a
aprendizaxe de idiomas entre a cidadanía do Vello Continente.
A Xunta de Galicia, a través da Secretaría Xeral de
Política Lingüística, súmase a esta festa que, cada 26 de setembro, nos lembra
a importancia e mais a necesidade de preservar e fomentar a rica diversidade
cultural e lingüística de Europa, así como de incrementar o grao de
entendemento intercultural e lingüístico a través do impulso da aprendizaxe de
linguas.
Este ano, Política Lingüística celebra esta data en
colaboración co Instituto Camões de Vigo, en cuxa sede terá lugar un concerto
multilingüe a cargo de Carolina Rubirosa, compoñente do grupo The Funkles,
acompañada polo guitarrista Rafael Otero.
Ademais, para posibilitar que toda a cidadanía poida
celebrar o Día Europeo das Linguas, desde esta páxina pódese acceder aos
recursos elaborados polos equipos de dinamización da lingua galega e mais aos
materiais que ofrece o Consello de Europa.
Obxectivos da celebración
Os obxectivos xerais do Día Europeo das Linguas son:
- Destacar a importancia da aprendizaxe de linguas e diversificar a variedade
de idiomas que se aprenden co obxectivo de incrementar o plurilingüismo e
a comunicación intercultural.
- Promover a riqueza da diversidade lingüística e cultural de Europa,
que debemos preservar e potenciar.
- Promover a aprendizaxe permanente de linguas tanto dentro como fóra
dos centros educativos.
Diversidade lingüística en Europa
- En todo o continente europeo existen arredor de 200 linguas nativas.
- A Unión Europea é a institución do mundo máis plurilingüe ao recoñecer
24 linguas oficiais, ás que cómpre sumar arredor de 60 linguas denominadas
rexionais ou minoritarias.
- Por outra banda, no territorio da Unión fálanse algo máis de 100
linguas procedentes doutros continentes do mundo que usan a diario persoas
inmigrantes.
(FONTE SECRETARÍA XERAL DE POLÍTICA LINGÜÍSTICA)
19 jun 2019
DESPEDIDA E
PECHE...TEMPORAL...!!!
BO DESCANSO, BOAS
VACACIÓNS, GRAZAS E
SAÚDE!!!
DISCURSOS DE GRADUACIÓN
MAIO, 2019
LUGO
2º BAC A
En primeiro lugar dar as
grazas ao equipo directivo do Centro, a todos os departamentos, ao profesorado
que fixo posible que chegaramos ata aquí, a todas as persoas que fan que
esteamos cómodos no centro día tras día, e atodos os compañeiros que
organizaron e decoraron este lugar un día tan importante como hoxe.
Este día supón o fin dunha etapa escolar moi moi longa, e
quería facer unha mención especial a todos aqueles profesores ou profesoras que
nos achegaron os seus coñecementos dunha maneira amena (as veces non tanto) e
que lles apasiona o seu traballo. Apoiáronnos cando choramos cando non sabiamos
que facer, cando pensábamos que non dábamos para máis, eles estaban aí, non
lless importaba perder parte das súas clases para darnos unha charla que nos
motivase e calmase, e que na maior parte das veces funcionaba.
Eles víronnos medrar e medrar. Chegamos aquí con 12 anos,
pensando que eramos moi maiores, pero aínda así atopámonos cun lugar que nos
viña grande.
Lembro como o último día de clase unha profesora díxome “cando
vos ides, unha parte de min vaise tamén”, poi hoxe, unha parte de min quédase
aquí con vós. Grazas, sen vós esto tampoco sería posible.
E por outro lado están os compañeiros. Moitos de nós levamos
xuntos como mínimo 6 anos, vémonos todos os día e estamos máis tempo xuntos que
coas nosas familias.
Neste tempo aprendemos moito mos uns dos outros, aprendemos a
escoitarnos, a respetarnos a dialogar, a querernos. Moitas veces as cousas
solucionáronse a berros e enfados, o paro inda así aos cinco minutos estabamos
rindonos. Non sei se falo en nome de todos pero polo menos a min non me
disgustaba a idea de vir ás nove da mañá a clase se estabades vós.
Logo están as persoas que levan aquí dous anos pero moitos
foron como se levasen aquí toda a vida. Estes dous anos coñecemos a xente
impresionante, que nos fixo rir e chorar, fixemos moi bos amigos e espero que o
sigan a ser moitos anos máis. Disfrutamos da vosa compañía, disfrutamos das
excursións, das que nos levamos moitos recordos moi bonitos, e disfrutamos
tamén doutros recordos que fomos formando todos nós fóra do ámbito educativo,
porque ao fin e o cabo o importante non é levarnos ben aquí, senón sobrepasar
ese límite e crear amizades fortes. É difícil facer este discurso en nome de
todos porque gustaríame falar de todas as persoas ás que quero e que estades
aquí sentadas, pero todo non se pode.
Lembro un día no que unha compañeira e amiga miña dixo que,
hoxe á noite cando rematemos o postre e os profesores se vaian para a súa casa
todo rematará! Non paro de pensar nesa frase nese momento de dentro dunhas
horas. Intento autoconvencerme de que non será un adeus definitivo a todo isto
e a todos vós. Pero hai que ser realistas e para moitos isto si que é un adeus.
Espero que todos nos levemos amizades e recordos que duren toda a vida e espero
que non perdamos o contacto coas persoas que realmente nos importan e que
acompáñanos hoxe e todos os días durante moitos anos.
Quen sabe qué será de nós dentro de quince anos, nunha destas
ceas de alumnos, cando moitos teñan fillos ou estean casados, as vidas na outra
punta do país ou do mundo e recordemos todas as cousas que fixemos xuntos.
Espero que esta tarde e hoxe a noite non sexa o noso último
día nin a nosa última festa porque creo que os sentimentos que hai hoxe aquí
son moito máis forte que uha simple relación de compañeiros de clase.
E para rematar só quero que saibades que estou moi orgullosa
do que somos e do que cheguemos a ser, sexa cal sexa a nosa situación hoxe
Moitas grazas a todos os profesores e a pais, irmáns e demais
persoas por vir.
Perdón por non expresar ben con palabras o que sinto...pero quero
dicirvos tanto, que non vos digo nada, quérovos.
ALUMNA DE 2º DE BAC DO IES XOÁN MONTES DE LUGO
2º BAC B
Profesores,
familiares, compañeiros, amigos e invitados; boas tardes. É unha honra para
min, como delegado, poder representar aos alumnos da clase de 2º BAC B da
promoción 2018/2019, a cual, sen dúbida algunha é e será a mellor promoción de
todo o instituto.
Hai
que ver como pasa o tempo, para algúns son 6 anos os que levan neste instituto,
para outros 2 anos, pero todos nos temos cousas en común; que son o traballo
duro e a dedicación que tivemos nestes anos no instituto Xoán Montes. Durante
todos este anos fumos acumulando experiencias, momentos xeniais nas clases,
recordos. Cada un de nós deixou a súa propia marca, ben sexa por unha
presentación nunha clase, por unhar esposta que deu a algún profesor, por esa
nota que sacou nunha asignatura, ou o máis importante, a pegada que nos
deixamos uns a outros, simplemente polo feito de coñecernos, e como o feito de
coñecer a unas persoas en poucos anos, fai que nunca os esquezas e que os levas
sempre contigo.
Deixamos
atrás grandes momentos compartidos pero cómpre destacar as excursións a
Londres, Roma, Berlín e Florencia. A excursión a Berlín foi sen dúbida unha
experiencia inesquecible. Alí coñecimos a Edi, vos acordades? Ese guía
turístico que nos acompañou na nosa estancia en Berlín. Recordades o último día
da excursión que fumos nun barco turístico, e todos, pero cando digo todos, son
todos, íamos durmindo e o pobre guía turístico que estaba falando non lle
facíamos nin caso; podía dicirnos que o mundo ía acabar o día seguinte, e todos
nos seguiríamos durmindo.
E
bueno non podemos esquecernos dos profesores e as vosas clases. Antes de nada
agradecervos a vosa axuda cando alguén a necesitaba e moitas grazas por estes
anos que estivemos no centro. Que decir de Mari Fe, a titora de 2º BAC B; nunca
esqueceremos cando entraches na clase un luns a tarde e dixeche: sepáranse, e
todos empezamonos a mirar uns a outros sen saber o que estaba a pasar. Marta,
profesora de galego, dime unha cousa: Eva é con “e” aberto ou “e” pechado.
David Vale, en ningunha clase o pasamos tan ben como na túa e esperamos verte
de festa algún día e nos invites a algunha consumición. Xusto, que ademáis de
ensinarnos filosofía, mostrounos tamén a súa obsesión cas mesas. Meri, bueno
nenos antes de seguir facemos un kit-kat. Queque, nunca esqueceremos as túas
clases de relixión e ese sonido tan característico que che facía especial
(ieeee). María, profesora de educación física, que saibas que fartámonos de
correr a muralla. Mila, grazas a ti adquirimos cultura musical pero os vídeos
que poñías eran un coñazo e non sabemos como non te aburrías de ver sempre o
mesmo. Cuca e Veiga, ambos profesores de inglés que nos serviron para darnos
conta de que unha materia pódese darse de dúas formas distintas. Beatriz, nunca
se nos vai esquecer o que é un balance, e estamos agradecidos polas piruletas,
pins e bolígrafos que nos deches. Marcelino, grazas a ti e as túas clases
poderemos estudar unha carreira de matemáticas. Gerardo, profesor de tic e
tecnoloxía, aínda non sabe os nosos nomes.Anxos, que ten
unha relación moi cercana cos seus alumnos. Ana Rico a túa metodoloxía de
ensinanza é moi boa e aprender contigo era moi sinxelo.Rafa, as túas clases
tentaban ó sono, e Diego Gallego quere darche unhaaperta. Santos: “la vie est
belle”; como podes ver sei francés e iso que non collín a túa asignatura. A
parte de estes profesores, tamén están os de ciencias ou outras materias, que
por sorte ou por desgracia non nos deron clase a algunhos, pero aínda así
queremos darvos as grazas pola vosa cordialidade polos pasillos.
Todo
isto non sería posible sen o personal que traballa no centro, con isto refírome
os conserxes, ou a xente que se encarga de que todas as instalacións do centro
estén en perfectas condicións, para que se poida facer un uso adecuada de
estas.
Debemos
dedicar este triunfo a nosa familia e principalmente aos nosos pais, xa que se
non fora por eles, non estaríamos aquí. Eles son os principais responsables dos
nosos logros, porque son aqueles que sempre están ao noso carón para que demos
o mellor de nos mesmos. Debemos estar sempre agradecidos con eles e sentirnos
afortunados de ter unha familia que nos apoia e se preocupa por nos, porque
nunca nos van fallar e a pesar de todo, sempre nos van a desexar o mellor para
as nosas vidas e teñamos o mellor futuro posible.
Debemos
sentirnos orgullosos de nos mesmos por dar finalizada unha das mellores etapas
da nosa vida. Agora queda prepararnos porque o que se ven non será fácil;
vámonos a enfrontar á vida, vamos a encontrarnos con moitos obstáculos e imos a
tropezar no camiño. Pero está en nos
superar esos obstáculos, e con esforzo e dedicación estou seguro de que todos
os superaremos. E non vos veñades abaixo se fracasades, xa que o fracaso non é
unha derrota, senón que é algo novo que nos servirá para ser máis fortes.
Bueno,
chega o momento de dicir adiós ao bacharaleto, chega o momento de comezar unha
nova etapa, mirar e ir cara adiante, pero eso si, sen olvidar o pasado. Por
último estamos moi agradecidos de que o último ano de Mari Fe fose como titora
de 2ª BAC B, por iso en nome de todo o alumnado queremos darche as grazas polos
teus anos na ensinanza, por apoiarnos e axudarnos. Desexamos que a partir de
hoxe a túa vida esté chea de moita felicidade, saúde e prosperidade.
Moitas
grazas a todos por estar neste acto tan especial, unha aperta moi forte e daros
a noraboa a todos, que nolo merecemos.
GRAZAS E BOAS TARDES.
ALUMNO DE 2º DE BAC DO IES XOÁN MONTES DE LUGO
Suscribirse a:
Entradas (Atom)