TRASNADAS DO XOÁN: septiembre 2021

29 sept 2021

ESTAMOS DE VOLTA!

NOVO CURSO, EQUIPO RENOVADO, E MOITAS GAÑAS DE SEGUIR DÁNDOLLE PULO AO GALEGO...

...A NOSA LINGUA, A LINGUA DA NOSA TERRA, DA NOSA PAISAXE, DAS NOSAS EMOCIÓNS!!!!

IMOS ALÓ!!!!

MANIFESO POLA LINGUA-ALUMNOS DE 2º ESO-B

EN GALEGO, SEN CANCELAS

Porque as linguas son formas de nomear as realidades, e a realidade é todo aquilo que lle afecta ao ser humano, a lingua é o máis humano do humano.

A nosa lingua noméanos, nomea a nosa terra, a nosa paixase, o noso mar… nomea o noso ceo, as nosas árbores, os nosos amores, as nosas fobias, as nosas loitas....a lingua nomènos....SEN CANCELAS...

...ela vai máis alá da burocracia, máis alá das administracións, máis alá da cultura establecida e da alternativa... máis alá da prensa, da radio, das asociacións...máis alá da política...

...A LINGUA É ISO, SI... PERO É MÁIS...MOITO MÁIS...

...NON TEN CANCELAS....

...A NOSA LINGUA É A LINGUA DA NOSA REALIDADE... DA NOSA VIDA...

...NELA NÓS VIVIMOS, AMAMOS, SENTIMOS...

...CON ELA COÑECEMOS, INTERPRETAMOS E TRANSFORMAMOS A NOSA REALIDADE... UNHA REALIDADE SEN CACELAS, UNHA LINGUA SEN CANCELAS...

EN GALEGO, SEN CANCELAS, EN GALEGO SEN GAIOLAS

A FALA-MANUEL MARÍA

O idioma é a chave
coa que abrimos o mundo:
o salouco máis feble,
o pesar máis profundo.

O idioma é a vida,
o coitelo da dor,
o murmurio do vento,
a palabra de amor.

O idioma é o tempo,
é a voz dos avós
e ese breve ronsel
que deixaremos nós.

O idioma é un herdo,
patrimonio do pobo,
maxicamente vello,
eternamente novo.

O idioma é a patria,
a esencia máis nosa,
a creación común
meirande e poderosa.

O idioma é a forza
que nos xungue e sostén.
¡Se perdemos a fala
non seremos ninguén!

O idioma é o amor,
o latexo, a verdade,
a fonte da que agroma
a máis forte irmandade.

Renunciar ao idioma
é ser mudo e morrer.
¡Precisamos a lingua
se queremos vencer!

Manuel María (2001). Obra poética completa I (1950-1979) (A Coruña: Espiral Maior)

TRASNADAS DO XOÁN

29 sept 2021

ESTAMOS DE VOLTA!!!!

Outros blogues

Etiquetas

Para consultar...

Páxinas