CENTENARIO DO PASAMENTO DE EDUARDO PONDAL

O mércores, 8 de marzo, cúmprense 100 anos da morte de Eduardo Pondal, o autor do himno galego.  

O himno galego foi o resultado da coordinación de Xosé Fontenla Leal. Primeiro pediu a letra a Curros Enríquez, a gran figura na Habana nese momento, e a música a Castro "Chané", pero ao non conseguilo coa premura que precisaba, escolleu o poema Os pinos de Pondal, estableceu contacto con Pascual Veiga e o resultado foi o que Fontenla Leal lle chamou o "Hino Rexional Galego", logo chamaríaselle o Hino a Galicia e xa definitivamente o Hino galego.

Os Pinos. ¿Qué din os rumorosos na costa verdecente ao raio transparente do prácido luar? ¿Qué din as altas copas de escuro arume arpado co seu ben compasado monótono fungar? Do teu verdor cinguido e de benignos astros confín dos verdes castros e valeroso chan, non des a esquecemento da inxuria o rudo encono; desperta do teu sono fogar de Breogán. Os bos e xenerosos a nosa voz entenden e con arroubo atenden o noso ronco son, mais sóo os iñorantes e féridos e duros, imbéciles e escuros non nos entenden, non. Os tempos son chegados dos bardos das edades que as vosas vaguedades cumprido fin terán; pois, donde quer, xigante a nosa voz pregoa a redenzón da boa nazón de Breogán. Escóitao en YOUTUBE:

HIMNO GALEGO

Ler máis sobre Curros Enríquez.