OBRADOIRO ESCÉNICO

IES XOÁN MONTES

EDLG

OBRADOIRO ESCÉNICO

8 DE ABRIL DE 2019

AULA DE MÚSICA

11:30 hs

IMPARTIDO POR

ABRAHAM PENA E UXÍA SÁNCHEZ

CERTAME DE CONTOS COMO CHO CONTO

O EQUIPO DE  DINAMIZACIÓN DA LINGUA GALEGA DO DO I.E.S. XOÁN   MONTES CONVOCA O

CERTAME DE CONTOS 

COMO CHO CONTO

Primeira.- Poderán participar todos os alumnos e alumnos deste centro.

Segunda.- Os textos terán que ser orixinais, inéditos e en lingua galega. O tema é  libre.  A extensión deberá ser de entre dúas e cinco páxinas, formato A4, mecanografadas, con letra Times Roman en corpo 12 con interliñado de 1,5.

 Terceira.- Cada participante poderá presentar como máximo dous relatos.

Cuarta.- Os textos entregaranse, por  separado, antes do día 12  de ABRIL ,VENRES , ata as 14:30., na Secretaría do Instituto. Cada  un irá dentro dun sobre grande,  en cuxo exterior figurará, ben  visible, un lema ou pseudónimo, que  en ningún caso coincidirá co nome ou apelidos do autor. No interior deste sobre grande, ademais do texto que se presenta a concurso irá tamén  un sobre  pequeno, en cuxa parte exterior consignarase así mesmo o lema ou pseudónimo antes aludido; no interior deste sobre pequeno irá unha folla cos datos do autor: nome, apelidos, curso e grupo.

Quinta.- Establécense dúas categorías : 1º, 2º e 3º da Eso por unha banda e 4º da Eso e 1º e 2º de BAC por outra .En cada categoría poderán adxudicarse dous premios. Estes consistirán  en  vales por  un  importe económico utilizable para  adquirir libros, material escolar e funxible ou instrumentos de debuxo e pintura. Tamén será outorgado un diploma.

Sexta.- O fallo do xurado será inapelable. A presentación ao certame presupón a aceptación plena das presentes bases.

                                                           

 En Lugo, 1  de abril de 2019

OS ELEMENTOS...EN GALEGO

A táboa periódica publícase en galego cadrando co seu 150 aniversario

Dmitri Mendeleev presentou a súa táboa periódica en 1869. Cento cincuenta anos despois, aquela primeira achega pasou de 63 elementos a 118 e traduciuse a moitas linguas, pero ata o momento non se contaba cunha versión en galego. Desde este xoves xa é posible acceder a ela grazas á colaboración de distintas institucións. A táboa dos elementos químicos pode descargarse nesta ligazón e distribuirase en formato físico entre a comunidade científica e educativa cunha tiraxe de 13.000 exemplares.

      A edición da táboa periódica en galego é froito da colaboración do Consello da Cultura Galega, o grupo de investigación da USC CienciaNOSA, a Secretaría Xeral de Política Lingüística, a Real Academia Galega de Ciencias e a propia Real Academia Galega, que a presentaron onte no marco dunha xornada de conmemoración do seu 150 aniversario celebrada no Consello da Cultura Galega.

A iniciativa partiu dos químicos da Universidade de Santiago de Compostela Manuel Bermejo, Ana González Noya e Marcelino Maneiro, autores do volume Guía dos elementos químicos. Historia, propiedades e aplicacións. Os tres participaron na presentación xunto ao presidente da RAG, Víctor F. Freixanes; a presidenta do CCG, Rosario Álvarez; e o secretario xeral de Política Lingüística, Valentín García

(FONTE R.A.G.)