ROBERTO VIDAL BOLAÑO

Como xa todos sabedes, hogano adícaselle o Día das Letras Galegas a Roberto Vildal Bolaño, dramaturgo, actor, director, guionista…Ou, como deixou dito, “Eu son un home … que de xeito absolutamente irresponsable, persiste na teima de vivir por e para unha das profesións, hoxe en día, máis absurdas do mundo e sen embargo por iso máis grandiosas”.

Para axudar a coñecelo un pouco mellor, o EDL quere elaborar actividades para colgar no blog. Poden ser actividades de Quiz Revolution, Hot Potatoes, etc. Na páxina da Asociación Roberto Vidal Bolaño, creada para poñer en valor a obra deste autor, podedes, por exemplo,  atopar a información necesaria para face-la actividade.

OS DEPORTES DOS NOSOS ALUMNOS

Andrea Ferreiro Gómez é alumna de 2º BAC e xogadora de hóckey liña en Lugo. Practicar un deporte como este en Lugo e, por riba, sendo muller é difícil, pero non imposible. Ata é posible, con moito traballo, triunfar nel, como o demostra Andrea neste artigo.

Open publication - Free publishing - More news

QUE O APALPADOR VOS TRAIA UN AGASALLO

Non pode faltar no Nadal o Apalpador, o noso peculiar Papá Noel, que na noite do 24 vai apalpar as barrigas dos nenos, por ver se están mantidos, e déixalles como agasallo unha presa de castañas ou xoguetes de madeira.
 Aquí tedes a Cantiga do Apalpador, que gravou Malvela. Ana Senlle púxolle música a unha letra tradicional. O video está composto con imaxes do conto O Apalpador de Xoán G.
A letra é a seguinte:

Vaite logo, meu meniño

marcha agora para a camiña

 que vai vir o apalpador

a apalparche a barriguiña.

Xa chegou o día grande

día do noso Señor.

Xa chegou o día grande

e virá o Apalpador.

Mañá é día de cachela,

que haberá gran nevarada

 e há vir o Apalpador

cunha mega de castañas.

Por aquela cemba

xa ven relumbrando

o señor Apalpador

 para darvos o aguinaldo.

FELICITAR EN GALEGO

Queres felicitar en galego? Seguro que aquí atopas algunha postal que che guste.

O GALEGO, LINGUA MORTA?

O EDL do IES de Chapela elaborou este video, que merece a pena ver. Que o disfrutedes!

LECTURAS PARA O NADAL

Para o 1º ciclo

Vas ler no Nadal?

Que che parece ler en galego?

Aí van algunhas suxestións...
Están todos na biblioteca do Centro.

Para todos

Para 2º ciclo e BAC

Para 2º ciclo e BAC

Para 2º ciclo e BAC

DOA E RAZOA

O Nadal é para compartir!
Parece o lema dun anuncio publicitario, pero os alumnos de 4º ESO-B fixérono realidade.
A semana pasada puxeron en marcha unha campaña de recollida de alimentos para unha organización humanitaria. A campaña denomínase"Doa e razoa", porque ademais de recoller donativos, tamén incitan á reflexión persoal pedindo aos doadores que escriban nunha tarxeta as razóns polas que doan.
Noraboa, rapaces, pola iniciativa e grazas por sacrificar o voso tempo de lecer.